Қазақстандық шаңғышы қыздар Анна Шевченко, Ольга Мандрика мен Ирина Быкова Алматыда өтіп жатқан ХХVIII қысқы Универсиада ойындарында күміс жүлдегерлер атанды.
БӨЛІСУ
«3х5 шақырым» жүйесіндегі эстафеталық сында қазақстандық шаңғышы қыздар қашықтықты 43:17.2 минутта бағындырды. Жарыс жеңімпазы атанған Ресей құрамасынан 52.1 секундқа ғана қалып қойды. Қола медальды француз шаңғышы қыздары иеленді.
Айта кетейік, қазіргі таңда Қазақстан құрамасының қоржынында 10 алтын 4 күміс 10 қола медаль бар. Жалпыкомандалық есепте екінші орында келеді.