Қазақстандық боксшы Мирас Жақыпов кәсіпқой бокстағы алғашқы жекпе-жегін Қытайда өткізеді. Бұл туралы «вконтакте» желісіндегі «Профи бокс Казахстана» парақшасына сілтеме жасап vesti.kz сайты хабарлады.
БӨЛІСУ
Жеңіл салмақта жұдырықтасатын отандасымыз кәсіпқой бокстағы бірінші жекпе-жегінде қытайлық Гуаньжи Женмен кездеседі. Мирастың қарсыласы да кәсіпқой бокстағы алғашқы жекпе-жегіне шығады. Боксшылар бүгін жекпе-жек алдындағы салмақ өлшеу рәсімінен өтті.
Айта кетейік, Мирас Жақыпов Өскемен қаласының тумасы. Бокс пен кикбокстан Қазақстан чемпионы. 2012, 2014 және 2015 жылдары «Astana Arlans» командасы сапында 6 жекпе-жек өткізді. 4 рет жеңіске жетіп, 2 кездесуінде жеңілген.