Құрлықтық хоккей лигасында бақ сынайтын қазақстандық «Барыс» Минскіде жергілікті «Динамодан» ұтылды. Нәтижесінде алаң иелері жеңісті сериясын алтыға дейін арттырып отыр.
Елордалық клуб бірінші кезеңде қарсыластарды алға оздырып алды. 14-ші минуттағы Дастин Бойдтың алаңнан қуылуын сәтті пайдаланған «Динамо» командасы «Барыс» қақпасына екі шайба соғып үлгерді. Десе де, үшінші кезең басында Андрей Назаров шәкірттері таразы басын теңестірген болатын. Бірақ, артынша алаң иелері есепте алға шығып кетті. Ойын соңына дейін тағы екі рет Ян Лацо қорғаған қақпадан саңылау тапты. Нәтижесінде алаң иелері 5:2 есебімен жеңісті өз иеліктерінде қалдырды.
Қазіргі таңда елордалық «Барыс» 56 ұпаймен шығыс конференциясында 6-шы орында тұр. «Динамо» болса 64 ұпаймен батыс конференцияда 5-ші орынға тұрақтады. Қазақстандық клуб келесі кездесуін 24 желтоқсан күні Астанада қазандық «Ақ барысқа» қарсы өткізеді.