Қазақстандық теннисші Зарина Диас спорттық мансабында алғаш рет әлемнің үздік 50 теннисшісінің қатарына кірді. WTA жүйесіндегі жаңартылған рейтингте жерлесіміз 46-шы орынға жайғасқан.
Осыған дейінгі рейтингте жерлесіміз 52-ші орында болатын. Цинциннати мен Нью-Хэйвендегі жарыстардан кейін Зарина 1087 ұпаймен Қазақстанның бірінші ракеткасы дәрежесін қайтарып алды. Ал соңғы рейтингте ел теннисшілерінің көшін бастап тұрған Ярослава Шведова да бір сатыға жоғарылап, 50-ші орыннан көрініп отыр.
WTA рейтингінің алғашқы үштігінде аздаған өзгерістер орын алды. Америкалық Серена Уильямс өз орнын сақтап қалса, румын Симон Халеп қытайлық Ли Наны үшінші сатыға сырғытты.
WTA рейтингі:
1 (1). Серена Уильямс (АҚШ) — 9430 ұпай
2 (3). Симона Халеп (Румыния) — 6750
3 (2). Ли На (Қытай) — 6170
4 (4). Петра Квитова (Чехия) — 5806
5 (5). Агнешка Радванска (Польша) — 5590
6 (6). Мария Шарапова (Ресей) — 5335
7 (7). Ангелика Кербер (Германия) — 4550
8 (8). Эжени Бушар (Канада) — 4368
9 (11). Ана Иванович (Сербия) — 4065
10 (9). Елена Янкович (Сербия) — 3695
46 (52). Зарина Диас (Қазақстан) — 1087
50 (51). Ярослава Шведова (Қазақстан) — 1017
118 (120). Галина Воскобоева (Қазақстан) — 483
129 (132). Юлия Путинцева (Қазақстан) — 438
177 (174). Сесиль Каратанчева (Қазақстан) — 325.
Дайындаған: Өмірбек Сансызбай
Сурет:wtatour.ru