Мейірім Нұрсұлтанов кәсіпқой бокстағы 14-ші жеңісіне қол жеткізді. Отандасымыз Екатеринбургте өткен бокс кешінде ресейлік Илья Баландинге мықтылығын мойындатты.
БӨЛІСУ
Жекпе-жек жоспарланған 8 раундқа жалғасты. Қарсыласынан қарымды екенін байқатқан Мейірімді төрешілер бірауыздан жеңімпаз деп таныды.
Қазақстандық боксшы кәсіпқой бокстағы барлық жекпе-жектерінде жеңіске жетіп келеді. Ал Илья Баландин болса төртінші рет жеңілістің кермек дәмін татты.
Мейірім рингке шықпағалы 1 жылға жуық болған. Ең соңғы рет өткен жылдың қарашасында жұдырықтасқан.