Халықаралық ауыр атлетика қауымдастығы (IWF) қазақстандық ауыр атлет Фаина Сиванбаеваны өмір бойына спорттық жарыстарға қатысуына шектеу қойды. Бұл туралы vesti.kz сайты хабарлап отыр.
Фаина Сиванбаева үшінші рет допинг дауына іліккен. Ол алғаш рет 2012 және 2014 жылдар аралығында жарысқа қатысу құқығынан айырылса, 2015 жылдың 7 қыркүйегінде өткен Азия чемпионаты кезінде алынған «А» сынамасының қорытындысы бойынша спортшының ағзасында тыйым салынған заттардың болғаны анықталған-ды. Сондай-ақ ҚР Спартакиадасында да Фаина допинг қолданған. Нәтижесінде спортшы өмір бойына спорттан шеттетіліп отыр.
Айта кетейік, Фаина Сиванбаева Азия чемпионатында үшінші орын, ал Спартакиадада алтын жүлде жеңіп алған болатын.