Қазақ спортшысы Арман Оспанов 20 мамыр күні Ресейдің Санкт-Петербург қаласында "АСВ" турниріндегі алғашқы жекпе-жегін өткізеді. Бүгін отандасымыздың қарсыласы өзгерді.
Арман Оспановтың осыған дейін Абдурахман Темировпен кездесетіні хабарланған болатын. Бүгін белгілі болғандай, қазақстандық спортшы жапон Таичи Накажимамен (12-7) кездесетін болды. Күншығыс елінің спортшысы "АСВ" рейтингінде (өз салмағында) 8-орында тұр.
Қазақстандық спортшы бұл күндері Дағыстанда дайындығын шыңдауда.
Айта кетейік, АСВ (Абсолютті Беркут Чемпионаты) — аралас жекпе-жек турнирін өткізетін ресейлік промоушн. 2014 жылдан бастап әлемдік аренаға шыққан. АСВ турнирлері Ресей, Польша, Шотландия, Тәжікстан елдерінде ұйымдастырылды.