Қазақстандық теннисші Зарина Дияс Майамиде өтіп жатқан «Miami Open» халықаралық турнирінің үшінші кезеңіне шықты. Отандасымыз екінші кезеңде әлемнің 34-ракеткасы австралиялық Дарья Гаврилованы ұтты.
Зарина мен Дарья арасындағы ойын 1 сағат 52 минутқа созылды. Екі сетте 7:5 және 6:3 есебімен жеңіске жеткен отандасымыз үшінші кезеңге өтті. Енді бұл кезеңде Зарина әлемнің бірінші ракеткасы Серена Уильямспен кездеседі. Екі теннисші бір жыл бұрын Индиан-Уэллсте кездесіп, америкалық теннисші айқын басымдықпен жеңіске жеткен еді.
Айта кетейік, Майамидегі турнирдің жүлде қоры 6,1 миллион долларды құрайды.
Ерлер арасындағы бәсекеде Михаил Кукушкин екінші кезеңге шықты.