Футболдан Қазақстан ұлттық құрамасының шабуылшысы Максим Самородов "Ахмат" командасы сапында жанкүйерлерді таңғалдырған гол соқты, - деп хабарлайды msports.kz сайты.
Ресей премьер-лигасының 16-турында "Ахмат" сырт алаңда "Крылья Советов" командасымен кездесті. Ойындағы бірінші голды 43-минутта Максим Самородов соқты. Оның бірнеше қорғаушыны алдап өтіп, асқан шеберлікпен тепкен добын қақпашы қайтарған. Кері серпілген допты шабуылшы баспен ұрып, қақпа торында тулатты.
Максимнің голы "Ахматқа" жеңіс сыйламады. Екінші таймда "Крылья Советов" екі гол соғып, 3 ұпайды еншіледі.
Бұл Қазақстан құрамасы шабуылшысының "Ахмат" сапындағы екінші голы. Сондай-ақ екі нәтижелі пас берген.
Спорттық эмоциялардың бас демеушісі 1XBET компаниясы барлық жаңа пайдаланушыларға 200 000-ға дейін сыйлайды! Өзіңе ұнайтын спорттық іс-шараларды қара және фавориттеріңмен бірге жеңіске жет! Толық ақпарат 1XBET.KZ сайтында және қосымшасында!