Алматы облысындағы Александр Асанов атындағы стенд ату клубында Азия Кубогы аяқталды. Биылғы бәсекеде 14 мемлекеттен келген 200-ден астам стенд ату шебері бақ сынады, – деп хабарлайды msports.kz сайты.
Қазақстан құрамасы скит және трап бағдарламасын қосқанда 14 медаль (6 алтын, 3 күміс, 5 қола) еншіледі. Әсем Орынбай, Эдуард Ещенко, Никита Моисеев (жасөспірімдер арасында), сонымен бірге әйелдер, ерлер және аралас командалар (скит) топ жарды.
Күміс жүлдені Әлішер Айсалбаев, трап және дубль-траптан ерлер командасы жеңіп алды.
Үшінші орынға Марк Почивалов (трап), Давид Почивалов (скит), Айжан Досмағамбетова, Владлен Калимулин және әйелдер командасы (трап) табан тіреді.
Жалпыкомандалық есепте Қазақстан құрамасы көш бастады.