Қазақстанның бірінші ракеткасы Ярослава Шведова Әйелдер теннисі ассоциацияның (WTA) жаңарған рейтингісінде бір сатыға жоғарылады, деп хабарлайды Vesti.kz тілшісі. Енді ол әлемдік рейтингте 37-орынға жайғасты.
Ал екі теннисші қызымыз керісінше төмен сырғып кете барды. Юлия Путинцева 92-ден 96-орынға түссе, ал Галина Воскобоева 113-тен 115-орынға құлдырады. Ксения Первак пен Сесиль Каратанчева бұрынғы орындарын өзгеріссіз сақтап, сәйкесінше 108 және 119-орындарды ұстап қалды.
Зарина Дияс 218-орыннан көрінсе, Қазақстанның тағы бір өкілі Анна Данилина 350-орынға тұрақтады.
Ал әлемдік рейтингтің бірінші ондығында өзгеріс орын алған жоқ. Американдық Серена Уильямс - бірінші, ресейлік Мария Шарапова - екінші, ал беларусь қызы Виктория Азаренко - үшінші орынды иеленді.
Дайындаған: Болат Қосмағамбет
сурет: wtatennis.com