Бокстан Таиландтағы Азия чемпионатында ерлер арасындағы финал басталды. Бірінші болып шаршы алаңға шыққан Санжар Тәшкенбай өзбек боксшысы Шодиержон Меликузиевке жол берді, - деп хабарлайды msports.kz сайты.
БӨЛІСУ
Төрешілер бірінші раундта басымдықты өзбек боксшысына берді. Екінші раундты Санжар өз пайдасына жазып шықты. Ал үшінші раундта төрешілер Санжарға қарсы шабуыл кезінде нокдаун ашты. Нәтижесінде төрешілер шешімімен өзбек боксшысы жеңіске жетті.
Бұған дейін өзара өткізген екі жекпе-жекте де қазақстандық боксшы жеңіске жеткен еді.
Қазір Қазақстан ерлер құрамасының қоржынында бір күміс және бір қола бар.