"Барселона", "Милан" және Бразилия ұлттық құрамасының бұрынғы жартылай қорғаушысы Роналдиньо коронавирусты жұқтырды.
"Мен коронавирусқа тест тапсырдым. Нәтиже оң болды.
Бәрі жақсы, ауру белгілері жоқ", - деп жазды 40 жастағы бразилиялық өзінің Instagram парақшасында.
Еске салайық, Роналдиньо наурыз айында ағасымен бірге Парагвай шекарасындағы Асунсьон әуежайында жалған паспорт қолданғаны үшін қамауға алынған болатын. 9 сәуірде Роналдиньо мен ағасы Роберто де Ассис Морейраның Парагвай түрмесінен 1,6 миллион доллар көлемінде кепілдікпен босатылғаны белгілі болды. 25 тамызда Парагвай соты Роналдиньоны босату және оған тағылған барлық айыптарды алып тастау туралы шешім қабылдады.