Мадридтің "Реал" футбол клубы теннистен Франция ашық біріншілігінде (Roland Garros) топ жарған Рафаэль Надальды жеңісімен құттықтады. Теннисші "Үлкен дулыға" санатындағы бұл турнирде 10-шы рет жеңімпаз атанды.
- Біздің клубтың құрметі азаматы Рафаэль Надальды "Ролан Гарростағы" 10-шы жеңісімен құттықтаймыз, - деп жазды мадридтік клубтың ресми хабарламасында.
Айта кетейік, Рафаэль Надаль финалда швейцар Стэн Вавринкамен кездесті. 2 сағат 5 минутқа созылған ойында қарсыласын 6:2, 6:3, 6:1 есебімен айқын ұтып шықты.
31 жастағы теннисші "Үлкен дулыға" санатындағы жарыстарда 15-ші рет жеңімпаз атанды. Бұл көрсеткіш бойынша Роджер Федерерден (18 рет жеңген) кейін екінші орынға шықты.