Футболдан Чемпиондар лигасының 4-тур ойындары басталды. Өткен маусымда чемпион атанған "Реал" өз алаңында "Миланнан" ұтылды, - деп хабарлайды msports.kz сайты.
Мадридтегі "Сантьяго Бернабеу" алаңында өткен матчта "Милан" 1:3 есебімен жеңіске жетті. Бірінші болып 12-минутта Малик Тиау миландық команданы алға шығарды.
Араға 12 минут Винисиус Жуниор пенальтиден есепті теңестірді.
Бірінші тайм аяқталғанға дейін "Милан" екінші голын соқты. Рафаэль Леаудың тепкен добын Лунин қайтарған. Кері серпілген допқа бірінші жеткен Альваро Мората гол соғып, италиялық ұжымды екінші рет есепте алға шығарды.
73-минутта Тиджани Рейндерс "Миланға" айқын жеңіс сыйлаған голды соғып, командасының жеңіске жетуіне септігін тигізді. Осылайша миландық команда Мадридтен 3 ұпай еншілеп қайтты.
Карло Анчелотти жаттықтыратын "Реал Мадрид" екінші ойын қатарынан ұтылды. Өткен жолы "корольдік клуб" "эль-класикода" "Барселонаға" 0:4 есебімен есе жіберген болатын.
4-турдың бірінші күні өткен ойындар нәтижесі:
📌 "Спортинг" - "Манчестер Сити" - 4:1
⚽ Гол соққандар: Виктор Дьекереш, 38, 49 (пен), 81 (пен), Максимилиано Хавьер Араухо Вильчес, 46, - Фил Фоден, 4
📌 "Реал" - "Милан" - 1:3
⚽ Гол соққандар: Винисиус Жуниор, 23 (пен) - Малик Тшау, 12, Альваро Мората, 39, Тейани Рейндерс, 73
📌 "Ливерпуль" - "Байер" - 4:0
⚽ Гол соққандар: Луис Диас, 61, 83, 90+2, Коди Гакпо, 63
📌 "Болонья" - "Монако" - 0:1
⚽ Гол соққан: Тило Керер, 87
📌 "Боруссия" (Дортмунд) - "Штурм" - 1:0
⚽ Гол соққан: Дониэлл Мален, 86
📌 "Селтик" - "РБ Лейпциг" - 3:1
⚽ Гол соққандар: Николас-Геррит Кюн, 35, 45+1, Рео Хататэ, 72 - Кристоф Баумгартнер, 23
📌 "Лилль" - "Ювентус" - 1:1
⚽ Гол соққандар:Джонатан Дэвид, 27 - Душан Влахович, 60 (пен)
📌 ПСВ - "Жирона" - 4:0
⚽ Гол соққандар: Райан Фламинго, 16, Малик Тилльман, 33, Жоан Бакайоко, 83, Ладислав Крейчи, 88 (автогол)
🔴 Қызыл қағаз - Арнау Мартинес ("Жирона"), 55
📌 "Слован" (Братислава) - "Динамо" (Загреб) - 1:4
⚽ Гол соққандар: Давид Стрелец, 5 - Дарио Шпикич, 10, Петар Сучич, 30, Сандро Куленович, 54, 72