Fight Nights Global президенті Камил Гаджиев жартылай ауыр салмақтағы қазақстандық Дияр Нұрғожайдың (10-1) UFC-дегі алғашқы жекпе-жегіндегі жеңілісіне қатысты пікір білдірді, - деп хабарлайды Massaget.kz тілшісі.
Айта кетейік, қазақ файтері 16 наурызда Лас-Вегаста өткен турнирде бразилиялық Брендсон Рибейродан (17-7) жеңілді.
Бұл - оның карьерасындағы алғашқы жеңіліс.
"Дияр қобалжуын бас алмады деп ойлаймын. Әдетте дебют айқаста адам қатты толқиды, содан өзін толықтай көрсете алмайды. Осы жолы да солай болды. Екінші жекпе-жек басқаша болады. Дияр мен менеджеріне қарсылас таңдауда мұқият болған жөн. Бірінші айқас хайп үшін жасалды, солай ғой. UFC-дегі бірінші айқас бірден Брендсон Рибейромен болғаны дұрыс емес", - дейді Гаджиев YouTube арнасында.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!