Жақында ғана еркін күрестен әлем чемпионы атанған Нұрқожа Қайпановқа демеушілер көлік сыйлады, - деп хабарлайды Massaget.kz тілшісі.
Жаңа автокөліктің демеушісі - меценат Ерлан Қожасбай. Ол спортшыға ZEEKR 001 көлігінің кілтін ұстатты.
"Әлем чемпионы атануыңмен құттықтай отырып, өзіңе, бапкерлеріңе алғыс білдіремін. Осы жолда аянбай тер төгіп жүрсің. Оған өзім де куәмін. Біздің күрес академиясының шәкірті екеніңе мақтанамыз. Өзімнің, "Сәду-Аренаның" атынан сыйлық бергіміз келеді", - деді демеуші.
Айта кетейік, 70 келіде белдесетін қазақ балуаны Нұрғожа Қайпанов әлем чемпионы атанған болатын. Ол Албания астанасы Тиранада өткен жарыстың финалдық белдесуінде 3-5 есебімен жапон палуаны Йошиносуке Аоягиді жеңді.
Instagram парақшамызға жазылып, ең қызықты ақпараттарды бірінші болып оқыңыз!