"Барселона" командасының шабуылшысы Неймар еуропа клубтарында өнер көрсетіп жүрген ең үздік бразилиялық футболшы атанды.
Sambafoot.com порталы жүргізген сауалнамаға Бразилия құрамасының бұрынғы ойыншылары, журналистер және сайт оқырмандары қатысқан.
Сауалнама нәтижесі бойынша, 29% дауыспен Неймар көш бастаса, мадридтік "Атлетико" командасының қорғаушысы Миранда (16%) екінші орынға ие болды. Үздік үштікті Түркияның "Галатасарай" клубында өнер көрсететін Фелипе Мело (16%) түйіндеді.
Төртінші орынды ресейлік "Анжи" командасының бұрынғы ойыншысы, "Челсидің" жартылай қорғаушысы Виллиан иеленді. Сондай-ақ, бұл тізімде Ресейдің "Зенит" командасында доп тебетін Халк пен ЦСКА-ның қорғаушысы Марио Фернандестің де аты аталды. Олар екеуі де 1% дауыс жинаған.
Сурет: youtube.com