Қазақстандық футболшы Бақтияр Зайнутдинов "Бесіктас" командасы сапында осы маусымда алғаш рет негізгі құрамда алаңға шықты, - деп хабарлайды msports.kz сайты.
Ыстамбұлдық команданың жуырда ғана бас жаттықтырушысы Джованни Ван Бронкхорст қызметінен кетті. Ал команданы уақытша тізгіндеген Сердар Топрактепе Бақтиярға сенім артты.
Норвегияда "Буде-Глимт" командасымен ойнаған "Бесіктас" алаң иелеріне 2:1 есебімен есе жіберді. Қазақстандық футболшы командасының бір голды соғуына көмегін тигізді. Оның асырған пасын бірінші таймда Жедсон Фернандес голға айналдыра білді.
"Бесіктас" келесі ойынын Түркия суперлигасында "Аданадемирспорға" қарсы өткізеді. Ал бұл командада Қазақстанның тағы бір ойыншысы Абат Айымбетов ойнайды.