![Месси үздік болып танылды](/userdata/news/news_15627/photo.jpg)
Каталондық «Барселона» және Аргентина ұлттық құрамасының шабуылшысы Лионель Месси ағылшынның The Guardian басылымы жүйесі бойынша 2013 жылдың үздік футболшысы болып танылды.
The Guardian басылымы өзінің ресми сайтында журналистер мен футбол мамандарының дауыс беруі нәтижесінде әлемнің үздік 100 футболшысының тізімін шығарды. Бұл көшті Лионель Месси бастады. Ал екінші орын Криштиану Роналдуға бұйырса, үшінші сатыдан Златан Ибрагимович көрінді.
Үздік ондықтағы футболшылар:
4. Франк Рибери («Бавария»),
5. Андрес Иньеста («Барселона»),
6. Неймар («Барселона»),
7. Гарет Бэйл («Реал»),
8. Хави («Барселона»),
9. Луис Суарес («Ливерпуль»),
10. Серхио Агуэро («Манчестер Сити»).
Толық тізімді мына сілтемеден көре аласыздар
Естеріңізге сала кетсек, 2013 жылдың басты футболдағы марапаты саналатын "Алтын доп" иегері 13 қаңтар күні Цюрихте өтетін салтанатты кеште белгілі болады.
Дайындаған: Өмірбек Сансызбай
Сурет: sports.ru