Чемпиондар Лигасының 1/8 финалының жауап ойындары "Манчестер Сити" "Реал Мадрид" және "Ювентус" "Лион" арасында өтті.
"Манчестер Сити" өз алаңында "Реалды" 2:1 есебімен жеңді. Тоғызыншы минутта Габриэль Жесус Рафаэль Вараннан айласын асырып, Рахим Стерлингке нәтижелі пас шығара білді. 28-ші минутта Карим Бензема таразы басын теңестірді. Ал 68-ші минутта қорғаушы Варанның қателігін сәтті пайдаланған Габриэль Жесустың голы алаң иелеріне жеңіс әкелді.
"Ювентус" француз командасы "Лионды" 2:1 есебімен жеңгенімен қос кездесудің нәтижесі бойынша келесі кезеңге өте алмады.
Тартысты кездесуде 12-минутта "Лион" капитаны Мемфис Депай пенальти орындап командасын алға шығарды. Өз кезегінде 43-ші минутта Криштиану Роналду да пенальтимен таразы басын теңестірді. 60-минутта португал ойыншысы алыс қашықтан қақпаны дәл көздеді.
Айта кетейік, Чемпиондар лигасының қалған бөлігі 10-23 тамыз аралығында Португалия астанасы - Лиссабон қаласында өтеді. Ол сегіздік финалы форматында болады. Қазіргі уақытта 1/4 финалының үш жұбы белгілі. Олар – "Аталанта" - "ПСЖ", "РБ Лейпциг" - "Атлетико" және "Манчестер Сити" -"Лион".
8 тамыздан 9-ына қараған түні, Нұр-Сұлтан уақытымен 01:00-де, "Бавария" - "Челси" (алғашқы ойын - 3:0) және "Барселона" - "Наполи" (1:1) жауап ойындары өтеді.