Аралас жекпе-жектен ел намысын қорғап жүрген Қуат "Найман" Хамитов (20-5-1) келесі жекпе-жегі қашан өтетінін хабарлады. Бұл туралы Instagram желісіндегі парақшасында жазды.
БӨЛІСУ
Спортшының келесі қарсыласы ирландиялық Питер Куилли (10-3) болады. Жекпе-жек қыркүйек айында Алматы қаласында "Fight Nights Global" турнирі барысында өтеді.
"Мен дайын боламын!", - деп жазба қалдырды Хамитов өзінің Instagram парақшасында.
Еске салайық, Қуат Хамитов өзінің соңғы кездесуін 2017 жылдың сәуірінде өткізді. Владивостокта өткен Fight Nights Global 63 турнирінің басты кездесуінде ол ресейлік Магомедсайгид Алибековтен жеңіліп қалған еді.