Швейцарияның Ньон қаласында футболдан 2026 жылғы әлем чемпионатына іріктеу кезеңінің жеребесі тартылды. Қазақстан құрамасының іріктеудегі қарсыластары белгілі болды, - деп хабарлайды msports.kz сайты.
Жеребе бойынша Қазақстан ұлттық құрамасы В тобына түсті. Отандастарымыз Бельгия, Уэльс, Солтүстік Македония және Лихтенштейн құрамаларына қарсы ойнайтын болады.
Барлық құрама 12 топқа (4-5 құрамадан) бөлінді. Төрт командадан тұратын алғашқы алты топ (A-F) іріктеу турнирін 2025 жылдың қыркүйегінде бастаса, қалған 5 командадан тұратын 6 топ (G-L) 2025 жылдың наурызында бастайды.
Топ жеңімпазы Әлем чемпионатына тікелей жолдама алса, екінші орын иегері өтпелі матч ойнайды.
🏆 Футболдан 2026 жылғы әлем чемпионаты АҚШ, Канада және Мексика елдерінде (алғаш рет 3 елде) өтеді. 1 маусым мен 19 шілде аралығында болатын доп додасына алғаш рет 48 құрама қатысады.
Ойындар кестесі:
A-F топтары үшін (4 команда)
Жол. матч. 21-22/03/2025
Жол. матч. 24-25/03/2025
Жол. матч. 06-07/06/2025
Жол. матч. 09-10/06/2025
1-тур. 04-06/09/2025
2-тур. 07-09/09/2025
3-тур. 09-11/10/2025
4-тур. 12-14/10/2025
5-тур. 13-15/11/2025
6-тур. 16-18/11/2025
G-L топтары үшін (5 команда)
1-тур. 21-22/03/2025
2-тур. 24-25/03/2025
Жол. матч. 06-07/06/2025
Жол. матч. 09-10/06/2025
3-тур. 04-06/09/2025
4-тур. 07-09/09/2025
5-тур. 09-11/10/2025
6-тур. 12-14/10/2025
7-тур. 13-15/11/2025
8-тур. 16-18/11/2025
Өтпелі матч (плей-офф)
Жартылай финал. 26/03/2026
Финал. 31/03/2026