Иордания елінің астанасы Амманда күрес түрлерінен 17 жасқа дейінгі спортшылар арасындағы әлем чемпионаты басталды. Жарыстың алғашқы күні екі балуанымыз финалға шықты.
Алғашқы жарыс күнінде грек-рим күресінің шеберлері бақ сынады. 55 кило салмақта Алпамыс Болатұлы финалға жолдама алды. Іріктеуде ол Жапония, Иран және Армения балуандарын ірі есеппен жеңді. Алпамыстың финалдағы қарсыласы - америкалық Джейден Скотт Рэйни.
80 килоға дейінгі салмақта Еркебұлан Анапия да әлем чемпионатының финалында белдеседі. Ол жартылай финалда әзербайжандық балуаннан басым түсті. Анапияның финалдағы қарсыласы - нейтралды ту астында өнер көрсететін Михаил Шкарин.
Сондай-ақ 48 килода Едіге Төлеутаев қола медальға күреседі. Ол жартылай финалда ирандық балуанға жол берген еді.