48-50 келі салмақ дәрежесінде өнер көрсететін қазақстандық боксшы Алуа Балқыбекова әлем чемпионатының финалында жеңіске жетті, - деп хабарлайды Massaget.kz тілшісі.
16 наурызда Сербияның Ниш қаласында әйелдер арасындағы бокстан әлем чемпионатының финалдық жекпе-жектері өтті. Қазақстандық спортшы Алуа Балқыбекова 48-50 кг салмақ дәрежесінде ақтық сынға шықты. Оның қарсыласы – Қытай боксшысы Ху Мэйи болды.
Алғашқы раунд екі спортшы үшін де тең дәрежеде өтті, алайда Балқыбекова көбіне шабуылдарды сәтті аяқтап, қарсыласымен арақашықтықты жақсы бақылады. Осылайша, төрешілер бірінші раундты Алуа Балқыбекова пайдасына шешті.
Екінші раундта қазақстандық боксшы қарсыласын қарқынды түрде қыспаққа алып, джеб соққыларымен арақашықтықты сақтап отырды. Сонымен қатар, ол бірнеше рет сәтті қарсы шабуыл жасап, төрешілер тағы да оның басым екенін мойындады.
Финалдық раундта қытайлық боксшы Балқыбекованы құлатқанымен, ол тез тұрып, жекпе-жекті қайта өз пайдасына бұра алды. Нәтижесінде, Алуа Балқыбекова 5:0 есебімен жеңіске жетіп, әлем чемпионы атанды.
Еске салайық, бұған дейін Назым Қызайбай да 2025 жылғы әлем чемпионатында алтын медаль жеңіп алған болатын.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!