Хоккейден Беларусь астанасы Минскіде өтіп жатқан Әлем чемпионатының алғашқы кездесуінде Қазақстан ерлер құрамасы Германиядан буллит сериясында жеңіліс тапты.
Ойынның негізгі уақыты 1:1 есебімен тең аяқталды. 11 минутта Қазақстан құрамасы қатарынан Андрей Гаврилин есеп ашты. Алайда бірінші кезең аяқталар тұста Маттиас Плахта таразы басын теңестіріп кетті. Екінші және үшінші кезеңдерде командалар бір-бірінен айласын асыра алмады. Нәтижесінде буллитте бақ сынаған хоккейшілер сынында немістер 2:1 есебімен жеңіске жетті.
Естеріңізге сала кетсек, "В" тобында өнер көрсетіп жатқан Қазақстан құрамасымен бірге АҚШ, Ресей, Финляндия, Германия, Латвия, Беларусь, Швейцария елдері бар. Жерлестеріміз ертең айдын иелерінің хоккейшілерімен кездеседі.
Қазақстан - Германия 1:2 Б (1:1, 0:0, 0:0, 0:0)
Дайындаған: Өмірбек Сансызбай
Сурет: sports.kz