Оңтүстік Кореяның Пхенчхан қаласында өтетін 2018 жылғы қысқы Олимпиадаға іріктеу турнирі аясында шайбалы хоккейден Қазақстан әйелдер құрамасы Польшаны ұтты. Астанада өтіп жатқан іріктеу турнирінде отандастарымыз қарсыластарынан 4:1 есебімен басым түсті.
БӨЛІСУ
Астанадағы іріктеу турнирі 6 қарашаға дейін жалғасады. Ойындар «Барыс Аренада» өтуде. Қазақстандық хоккейші арулар топтағы екінші ойынын бүгін Мексика құрамасына қарсы өткізеді. 6 қарашада Ұлыбританиямен ойнайды. Ойындарды тікелей эфирде «KazSport» арнасы көрсетуде.
Айта кетейік, осыған дейін Қазақстан ерлер құрамасы Норвегия елінің астанасы Ослода өткен іріктеу кезеңінен жолдамасыз қайтқан еді.