«Қайрат» футбол клубының жартылай қорғаушысы Аслан Дарабаев Павлодардың «Ертіс» клубына ауысты. Бұл команданың баспасөз қызметіне сілтеме жасап vesti.kz сайты хабарлады.
27 жастағы Қарағанды футбол мектебінің түлегі өткен маусымда «Қайраттың» негізгі құрамына ілікпеді. Ал алматылық клубқа дейін «Шахтер», «Атырау» мен «Ақтөбе» командалары сапында ойнаған. Ұлттық құрамада төрт ойын өткізген.
Аслан Дарабаев спорттық мансабында ел чемпионы атанбаса да, ауыз толтырып айта алатын марапаттарға ие футболшылардың бірі. «Қайратты» Кахабер Цхедадзеге дейін жаттықтырған бапкер Владимир Вайсс Асланды жоғары бағалайтын. Футболшы «Ертіс» сапында өз шеберлігін танытады деген сенімдеміз.