Шағын футболдан (футзал) Алматының «Қайраты» клубтар арасындағы әлем чемпионатында өз атақтарын қорғайды. Кеше өткен жеребе қорытындысы бойынша қазақстандық клуб бірінші ойынын бразилиялықтарға қарсы өткізетін болды.
Клубтар арасындағы әлем чемпионаты биыл 2-6 қыркүйек аралығында Бразилияның Эрешин қаласында өтеді. 2014 жылғы әлем чемпионаты Алматы қаласында өткен болатын. Тартысқа толы өткен додада отандастарымыз Тайландтың «Чонбури» мен Ресейдің «Динамосын» жеңіп, бас жүлдені олжалаған-ды. Биыл «Қайрат» әлем чемпионы атағын сақтап қалу үшін «Атлантико Эрешин» (Бразилия), «Миср Лел Макаса» (Египет), «Дафра» (БАӘ) және «Торонто» (Канада) клубтарына қарсы ойнайтын болады.
Клубтар арасындағы әлем чемпионаты ойындарының кестесі:
31 тамыз
«Дафра» (БАӘ) – «Миср Лел Макаса» (Египет);
«Атлантико Эрешин» (Бразилия) - «Қайрат» (Қазақстан);
1 қыркүйек
«Торонто» - «Дафра»;
«Атлантико Эрешин» - «Миср Лел Макаса»;
2 қыркүйек
«Миср Лел Макаса» - «Қайрат»;
«Атлантико Эрешин» - «Торонто»;
3 қыркүйек
«Қайрат» - «Торонто»;
«Атлантико Эрешин» - «Дафра»;
4 қыркүйек
«Миср Лел Макаса» - «Торонто»;
«Дафра» - «Қайрат»;