Канадалық кәсіпқой боксшы Давид Лемье Геннадий Головкин мен Сауль "Канело" Альварес арасындағы бокс кешінің андеркартында кезекті жеңісіне қол жеткізді. Ол ирландиялық боксшы Гэри О'Салливанды бірінші раундта-ақ нокаутқа түсірді.
Жекпе-жекті екі боксшы ширақ бастады. Жылдам соққылар жасап, екеуі де алға ұмтыла түсті. Кезекті соққы алмасу кезінде Давид қарсыласын дәл күтіп, шапшаңдық танытты. Оның сілтеген жұдырығы қарсыласына дәл тиіп, ирландиялық боксшы нокаутқа түсті. Гэри О'Салливанның ес жия алмағанын байқаған төреші жекпе-жекті тоқтатты.
Давид Лемье жеңісінен кейін бірінші орта салмақта WBA (Super) чемпиондық атағына міндетті қарсылас атанды. Ал бұл атақ Геннадий Головкиннің еншісінде. Бүгін Сауль Альвареске қарсы кездесуінде қорғайтын болады.
Айта кетейік, Давид Лемье Геннадий Головкинмен жұдырықтасқан боксшылардың бірі. Отандасымыз канадалықты 8 раундта нокаутпен жеңген болатын.
Гэри О'Салливан да Генамен жұдырықтасқысы келетінін, тіпті оңай жеңетінін де айтып жар салып жүрген боксшылардың бірі болатын.