WBA (Super), IBO және WBC (Interim) нұсқалары бойынша орта салмақтағы әлем чемпионы қазақстандық Геннадий Головкин америкалық кіші-Флойд Мейвезермен немесе филиппин Мэнни Пакьяомен жұдырықтасуды армандайтыны жайлы мәлімдеме жасады. Айта кетейік, соңғы екі боксшы 2 мамырда Лас-Вегаста кездеседі, - деп хабарлайды Vesti.kz. Бұл туралы Tengrinews.kz жазды.
"Иә, олар pound for рейтингінің біріншісі мен екіншісі. Бұл менің арманым - Флойдпен немесе Мэннимен жұдырықтасу. Менің салмағым - 160 фунт, олардыкі - 147. 154-те біз кездесу ұйымдастыра алатын едік. Бұл үлкен келісімшарт болар еді", - деп келтіреді Головкиннің сөзін Boxingjunkie.com.
Әлемнің ең атақты боксшыларымен кездесуге қол жеткізудің қиындығы жайлы сұраққа Головкин күлкімен жауап берді: "Өмірім осындай. Біреудің менімен кездескісі келмегені үшін ренжіп, ашуланбаймын".
Геннадий Головкин келесі кездесуін 16 мамырда Лос-Анджелесте америкалық кіші-Вилли Монромен өткізеді. Ол WBC белбеуіне таласып көрмек. "Монро мен үшін қиын қарсылас, себебі ол солақай. Оның жылдамдығы жақсы, бірақ мен қандай қарсылас болмасын, жеңіп кететін мүмкіндігім болғанын қалаймын", - деді қазақстандық боксшы.
сурет: tn.kz