Орта салмақтағы WBA және IBO тұжырымдары бойынша әлем чемпионы, жерлесіміз Геннадий Головкин (GGG) келесі болатын жекпе-жекке бола бірнеше келі салмақ тастауға әзір екен. Бұл туралы белгілі спорт сарапшысы Дэн Рафаэль мәлімдеді.
"Орта салмақтағы әлем чемпионы Геннадий Головкин 20 сәуір күні бірінші орта салмақтағы Сауль "Канэло" Альварес пен WBС чемпионы Остин Трауто арасында өтетін кездесу жеңімпазымен кездескісі келеді". Ол үшін Гена 154 фунт (70 келі) категориясына дейін түсуге әзір",-дейді Рафаэль.
Головкиннің осы кездесуге деген қызығушылығын оның менджері Том Леффлер де мақұлдап отырған көрінеді. Одан бөлек, оның сөзінше Головкин биылғы жылы орта салмақтағы WBC чемпионы Серхио Мартинеспен де шаршы алаңға шығуға дайын екен.
Дайындаған: Болат Қосмағамбет
сурет: gazeta.ru