Қазақстандық кәсіпқой боксшы Геннадий Головкин 16 қыркүйекке белгіленген Сауль "Канело" Альвареспен жекпе-жекке қалай дайындалып жатқанын көрсетті.
Жаттығулар түсірілген видео "Мені ештеңе тоқтата алмайды" деген атаумен Головкиннің ресми YouTube-арнасына жүктелген. Видеода алдағы жекпе-жекке қатысты Абель Санчестің пікірлері айтылады.
Қазақстандық боксшы жекпе-жекке Калифорния штатындағы Big Bear жаттығу лагерінде дайындалып жатыр.
Головкин мен Альварес арасындағы кездесу 16 қыркүйек күні Лас-Вегастағы T-Mobile спорт кешенінде өтеді. Қазірдің өзінде бұл бокс кешінің билеттері сатылып кеткен. АҚШ жерінде жекпе-жекті НВО арнасы ақылы жүйе бойынша көрсетеді.
Дереккөзі: kaz.vesti.kz