Футболдан ФИФА ұлттық құрамалардың жаңа рейтингін жариялады. Көш басында келе жатқан алғашқы ондықтағы ұлттық құрамалардың нәтижелері сақталған. Ең төменгі нәтижені Экваторлық Гвинея құрамасы көрсетіп отыр. Олар 32 саты төмендеп, 99-шы орынға тұрақтаған. Бұл рейтингтің үздік көрсеткішін Мавритания құрамасы еншіледі. Олар бірден 21 саты жоғарылап, 151-ші орынға табан тіреген. Сонымен қатар Босния, Кабо-Верде, Түркіменстан ұлттық құрамаларының жағдайы да жоғары көрсеткішке көтерілген. Ал Қазақстан ұлттық құрамасы болса, рейтингте 172 ұпаймен бір саты жоғарылап, 149-шы орынға жайғасты. Естеріңізде болса, өткен айда ұлттық құрамамыз 150-ші орыннан көрінген болатын.
Алғашқы ондыққа енген ұлттық құрамалар тізімі:
1. Испания — 1484 ұпай
2. Германия — 1257 ұпай
3. Колумбия — 1219 ұпай
4. Аргентина — 1210 ұпай
5. Нидерланды — 1165 ұпай
6. Италия — 1142 ұпай
7. Португалия — 1099 ұпай
8. Хорватия — 1098 ұпай
9. Бразилия — 1089 ұпай
10. Бельгия — 1079 ұпай
Дайындаған: Өмірбек Сансызбай
Сурет: vesti.kz