Жүзу спортынан Олимпиада чемпионы Дмитрий Баландин Испаниядағы халықаралық турнирде абсолютті чемпион атанды. Отандасымыз брасс әдісімен 50, 100 және 200 метрге жүзуде үздік шықты.
Қазақстандық спортшы жарыстағы үшінші алтын жүлдесін 100 метрге брасс әдісімен жүзуде жеңіп алды. Аталған қашықтықты 1:00.43 минутта жүзіп өтті.
Испаниядағы халықаралық турнирге Қазақстан атынан барған 4 спортшы барлығы 8 медаль еншіледі. Дмитрийдің еншісінде 3 алтын болса, Әділбек Мусин – 2 күміс, Әділ Қасқабай – 1 күміс, 1 қола, Айбек Қамзенов 1 қола жүлде иеленді. Сондай-ақ Дмитрий Баландин жарыс рекордын жаңартқан болатын.
- 2018 жылғы маусым сәтті басталды. Жарыс қорытындысына қарап, Индонезиядағы Азия ойындарында жоғары нәтиже көрсетеміз деген үміттеміз. Алда спортшыларды ел чемпионаты күтіп тұр. Жарыс 23-27 сәуір аралығында Ақтөбеде өтеді. Ол да Азия ойындарына дайындықтың бір кезеңі, - деді ұлттық құраманың бас жаттықтырушысы Олег Вагизов ҚР ҰОК сайтына берген сұхбатында.
Айта кетейік, Испанияның Малага қаласында өткен халықаралық турнир – жүзуден Қазақстан ұлттық құрамасының Азия ойындарына дайындығының бірі кезеңі.