Мәнерлеп сырғанаудан Сочи ХХІІ қысқы Олимпиада ойындарының қола жүлдегері Денис Тен Жапония жерінде өтетін Әлем чемпионатына қатыспайтын болды. Бұл туралы спортшы твиттердегі жеке парақшасында мәлімдеді.
БӨЛІСУ
- Өкінішке орай, мен Әлем чемпионатына қатыса алмаймын. Жолға шыққалы отырған жанкүйерлерімнен кешірім сұраймын. Қиындықтар өз шешімін тапқаннан соң жаңа серпінмен бақ сынайтын боламын, - деді.
Денистен өзге Әлем чемпионатында ел намысын Абзал Рақымғалиев қорғайтын болады. Ал дүбірлі дода 24-30 наурыз аралығында Жапонияның Саитама қаласында өтеді.
Дайындаған: Өмірбек Сансызбай
Сурет: sports.kz