Футболдан Еуропаның басты додасы саналатын Чемпиондар лигасының ширек финалдық жеребесі тартылды. Салтанатты шара Швейцарияның Ньон қаласындағы УЕФА-ның штаб-пәтерінде өтті.
Жеребе қорытындысы бойынша "Боруссия д" (Германия) - "Монако" (Франция), "Атлетико М" (Испания) - "Лестер Сити" (Англия), "Бавария" (Германия) - "Реал Мадрид" (Испания), "Ювентус" (Италия) - "Барселона" (Испания) командалары бір-біріне қарсылас атанды.
Командалар арасындағы бірінші ойындар 11-12 сәуірде, қарымта ойындар араға бір апта салып өтеді. Алғашқы ойындар жоғарыда бірінші жазылған командалардың алаңында болады.
Айта кетейік, 2017 жылғы Чемпиондар лигасының финалы 3 маусым күні Кардиффте өтеді.