Шымкент қаласында шахматтан әйелдер арасындағы 2024-2025 жылғы Гран-Придің 2-кезеңі өтіп жатыр, – деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Алтыншы турда Ұлттық құрама көшбасшысы Бибісара Асаубаева Екатерина Лагномен шеберлік байқасып, қарсыласына есе жіберді. Кездесуден кейінгі сұхбатында Бибісара Екатеринаның мүлде басқаша ойнағанын, жоспары басқаша болғанын айтты.
Демалысқа дейін 2-орында келе жатқан отандасымыз осы жеңілістен кейін жалпы есепте 4-сатыға түсіп қалды. Қазір еншісінде 3,5 ұпай бар. Келесі, 7-турда Асаубаеваның қарсыласы Дивья Дешмух (Үндістан) болады. Одан кейін Тан Чжунъи (Қытай) мен Мунгунтуул Батхуяг (Моңғолия) тұр.
Айта кетейік, 7-тур ойындары бүгін сағат 15:00-де басталады.
Мунгунтуул Батхуяг - Александра Горячкина
Нұргүл Салимова - Тан Чжунъи
Бибісара Асаубаева - Дивья Дешмух
Ставроула Цолакиду - Екатерина Лагно
Элизабет Пахтц - Хампи Конеру
