"Астана" румыниялық "Корвинулмен" кездесудің қорытындысы бойынша Конференция лигасының плей-офф кезеңіне шықты, - деп хабарлайды Massaget.kz тілшісі.
Алматыда өткен үшінші іріктеу кезеңінің қарымта кездесуінде астаналықтар қарсыласын ойсырата жеңді. Есеп: 6:1.
Бірінші таймда астаналық клуб есепті ашты: 13-минутта Джеффри Чинеду гол соқты.
"Астана" 57-минутта Марин Томасовтың голының арқасында есепті еселеп, 68-минутта Чинеду дубль жасап, 3:0-ге жеткізді.
73-минутта Назми Грипши румыниялық клубтың қақпасына төртінші голды соқты. Томасов бесінші голды 76-минутта салды.
78-минутта "Корвинул" Михай Велисардың алыстан соққан соққысынан кейін есепті сәл де болса қысқартты.
84-минутта соңғы голды Елхан Астанов түйіндеді – 6:1.
Еске салайық, бірінші матчта Румынияда "Астана" 2:1 есебімен жеңіске жеткен еді.
Өзекті жаңалықтарды өз уақытында оқу үшін Facebook парақшамызға жазылыңыз!