Италиялық "Милан" клубының бұрынғы бас бапкері Массимилиано Аллегри Қазақстан құрамасын жаттықтыруы мүмкін, деп хабарлайды Football Italia.
БӨЛІСУ
Қазақстанның Футбол Федерациясы аталған маманға сәйкесінше ұсыныс жасаған көрінеді. Осы күндері Аллегри біздің елмен келіссөзге түсіп жатыр екен.
Қырық алты жастағы италиялық осы жылы ұлттық құраманы жаттықтыруды қолға алған ресейлік маман Юрий Красножанның орнын баспақ.
Ертеректе жұмыссыз қалған жаттықтырушының "Лационы" баптауы мүмкін екені айтылып келген-ді.
Естеріңізге сала өтсек, Массимилиано Аллегри 2010 мен 2014 жылдары "Милан" командасын жаттықтырған болатын.
Дайындаған: Әкежан Дәкен
Сурет: ru.uefa.com