Бүгін Еуропа лигасының плей-офф кезеңі аясында бірінші кездесуін өткіззетін «Ақтөбе» мен варшавалық «Легия» командаларының жанкүйерлері кеше түнде қақтығысып қалған. Бұл туралы клубтың «Вконтакте» әлеуметтік желісіндегі парақшасы хабар таратып отыр.
Оқиға Ақтөбе қаласының орталығында орын алған. Қонақ команданың 20-ға жуық жанкүйерлері мен жергілікті жанкүйерлер қақтығысып қалған. Төбелес кезінде екі тараптың да жанкүйерлері жарақат алмаған. Ал бұл оқиғадан хабардар болған польшалық клуб жанкүйерлері наразылығын білдіруде. Әлеуметтік желілер мен клуб сайтында қонаққа баратын біздің жанкүйерлерге де қоқан-лоққы көрсететінін жазуда.
Естеріңізге сала кетсек, «Ақтөбе» мен «Легия» кездесуі бүгін Астана уақытымен сағат 21:00-де басталады. Ойынды «KazSport» арнасынан тамашалай аласыздар.
Дайындаған: Өмірбек Сансызбай
Сурет:kff.kz