ҚР Бас прокуратурасы қыз алып қашқан жағдайда қандай жаза қарастырылғанын айтты, - деп хабарлайды ktk.kz.
Телеарна мәліметінше, келісім бермеген қызды еркінен тыс алып қашу, күштеп ұстау, басқа жерге апару бұл ауыр қылмыс.
"Келісім бермеген қызды еркінен тыс алып қашу Қылмыстық кодекстің 125-бабы - адам ұрлау бойынша 4 жылдан 7 жылға дейін бас бостандығынан айыру жазасы қарастырылған. Ал егер кәмелетке толмаған қызды ұрласа, бұл жағдайда 7 жылдан 12 жылға дейін сотталуы мүмкін және мүлкі тәркіленеді", - деп мәлім етті Бас прокуратурадан.
Сондай-ақ, топ болып алып қашса, жәбірленушіні абайсызда өлтіріп алса немесе басқа ауыр жағдайларға әкеп соқса ауыр жаза қолданылуы мүмкін.