Париж Олимпиадасында балуандар бәсекесі басталды. Алғашқы жарыс күнінде грек-рим күресінен 60 және 130 келі салмақтағы балуандар бақ сынап жатыр, - деп хабарлайды Massaget.kz тілшісі.
Өкінішке қарай, 60 келі салмақтағы балуанымыз Айдос Сұлтанғали бірінші белдесуде қырғызстандық әлем чемпионы Жоламан Шаршенбековке есе жіберді.
Енді Айдос қарсыласы финалға шыққан жағдайда жұбаныш белдесуіне қатысады.
Еске салайық, бұған дейін бірінші болып жарыс жолына шыққан Әлімхан Сыздықов Олимпиаданы жеңіспен бастап, ширек финалға шыққанын жазған едік.
Грек-рим күресінен 130 келі салмақта бақ сынаған қазақ балуаны бірінші белдесуінде румын Алин Алексук-Чурариудан айласын асырды. Есеп – 3:1.
Instagram парақшамызға жазылып, ең қызықты ақпараттарды бірінші болып оқыңыз!