Парижде өтіп жатқан ХХХІІІ жазғы Олимпиада ойындарының чемпионы атанған қазақ дзюдошысы Елдос Сметов жанкүйеріне теледидар сыйлады, - деп хабарлайды Massaget.kz тілшісі.
Желіде тарап кеткен кадрларда ер адам дұрыс жұмыс істемейтін теледидардан Елдостың тарихи жеңісін тамашалап, шын жүректен қуанғаны көрінеді.
"Алла разы болсын! Көріп отырып көзіме жас келді. Туған қанына жанкүйер болғандай (жанкүйер болдыңыз - еск.)", - деді Ғабит есімді жанкүйерімен телефон арқылы сөйлескен Елдос Сметов.
Посмотреть эту публикацию в Instagram
Еске салайық, бұған дейін Елдос Сметов Олимпиада чемпионы атанғаны хабарланды. Отандасымыз финалда француз дзюдошысы Лука Мхеидзеден айласын асырды.
Елдос қарсыласын негізгі уақытта-ақ жеңіп шықты. Белдесу аяқталуға бір минут қалғанда вазарри әдісін сәтті орындады.
Аптаның басты оқиғалары мен пайдалы видеоларды көру үшін YouTube арнамызға жазылыңыз