Дзюдошы Абиба Әбужақынова Париждегі Олимпиада ойындарының жартылай финалына шыға алмады. Отандасымыз ширек финалда испан қызы Лаура Мартинес Абилендаға жол берді.
48 килоға дейінгі салмақтағы белдесу голден скорға дейін жалғасты. Екеуі де екі ескертуден алды. Нәтижесінде соңғы болып әдіс жасаған испан қызы жартылай финалға жолдама алды.
Қазақстандық дзюдошы жұбаныш белдесу арқылы қола жүлде жолында күрес жүргізеді.
Абиба алғашқы белдесуінде Израильден келген Сара Ришониді жеңді. Одан кейін тайпейлік Чен-Хао Линді 19 секундта жеңіп шықты.
Айта кетейік, осыған дейін ерлер арасында 60 килоға дейінгі салмақта Елдос Сметов жартылай финалға шыққан болатын.