Футболдан Нидерланд құрамасы Еуропа чемпионатының жартылай финалына шықты. Олар ширек финалдағы соңғы ойында Түркияны жарыс жолынан шығарды.
БӨЛІСУ
Ойынның бірінші таймында Түркия құрамасы басым болып шықты. 35-минутта Самет Ақайдын есеп ашты. Арда Гүлердің әуелете асырған добына бірінші болып жетіп, гол соқты.
Нидерланд құрамасы екінші таймда шабуылын үдетті. Нәтижесінде Де Врей 70-минутта баспен гол соғып есепті теңестірді.
Араға 6 минут сала Мерт Мюлдир өз қақпасына автогол соғып алды.
2:1 есебі сақталып, Нидерланд құрамасы жартылай финалға жолдама алды. Олар 1/2 финалда Англиямен кездеседі.