Футболдан Франция ұлттық құрамасы Еуропа чемпионатының жартылай финалына шықты. Олар ойын соңындағы пенальти сериясында Португалияны ұтып кетті.
БӨЛІСУ
Ойынның негізгі уақыты мен экстра-таймда да гол соғылған жоқ. Португалия құрамасы ойында басым болғанмен, Франция қақпасына доп енгізе алмады. Француздар қарымта шабуылда ширақ болғанмен, есепті өзгерте алмады.
Ойын соңындағы пенальти сериясында Франция 5:4 есебімен жеңіске жетті. Португалия құрамасы сапында Жоау Феликс мүлт кетті.
Франция құрамасы жартылай финалда Испаниямен кездеседі.