Зарина Диас жартылай финалда ресейлік Ксения Первакпен кездеседі

Зарина ширек финалда турнирдің жетінші ракеткасы саналатын қытайлық теннисші Ван Цянның жолын кесті. Екі сағат, он жеті минутқа созылған бәсекеде жерлесіміз 6:4, 1:6, 6:1 есебімен басым түсті.

Өткен жолы хабарлағанымыздай, Зарина жартылай финалда бұрындары Қазақстан туы астында өнер көрсеткен ресейлік теннисші Ксения Первакпен кездеседі. Ксения ширек финалда жарыс қожайыны Сюй И-Фаньды 6:3, 6:2 есебімен жеңген болатын.

Естеріңізге сала кетсек, турнирдің бірінші ракеткасы саналатын жерлесіміз Зарина Диас алғашқы айналымда қытайлық теннисші Яфань Ваннан 6:3, 6:3 есебімен басым түсті. Екінші айналымда тағы бір қытайлық теннисші Шилинь Сюды 6:1, 6:2 есебімен жеңді.

Дайындаған: Нұржігіт Айдархан

Сурет: vesti.kz