Украиналық кәсіпқой боксшы Василий Ломаченко Нью-Йоркте өткен бокс кешінің басты кездесуінде кубалық боксшы Гильермо Ригондоны жеңіп, екінші жартылай жеңіл салмақта WBO чемпиондық атағын қорғап қалды. Madison Square Garden кешеніндегі жекпе-жек 12 раундқа жоспарланған еді. Алайда 7 раундтан кейін Бостандық аралының боксшысы кездесуді жалғастырудан бас тартты. Василий Ломаченко мен Гильермо Ригондо әуесқой бокста ауыз толтырып айтатындай жетістікке жеткен боксшылар. Кубалық 2000 және 2004 жылдары, украиналық 2008 және 2012 жылдары Олимпиада чемпионы атанған. Украиналық боксшы кәсіпқой бокстағы 10-шы жеңісіне қол жеткізіп отыр. Ал Ригондо спорттық мансабында алғаш рет жеңілді.