Үшінші айналымда - үшінші орын

Hummer H3 жол талғамайтын автокөлігімен сынға түсіп жатқан Шагиров пен Мороз жұбы үшінші айналымда 387 шақырым жолды 4 сағат, 18 минут, 59 секундта жүріп өтті. Ал кезеңнің жеңімпазы болып француздық экипаж Жан-Антуан Сабатье мен Денис Розанд жұбы танылды. Олар осыған дейін алғашқы кезеңде де бірінші болып келген еді. Ал екінші болып, жарыстың фавориті саналатын Жан-Луи Шлессер мен Тьери Магнальди экипажы келді. Ал ралли-марафонда бақ сынап жатқан Юрий Сазонов пен Арслан Сахимов екінші экипаждарымыз бұл кезеңде 7-ші орыннан көрінді.

Жалпы есепте үш кезең қорытындысы бойыншы Қанат Шагиров пен Александр Мороз жұбы үшінші орынға көтерілсе, Юрий Сазонов пен Арслан Сахимов экипажы 16-шы орынға тұрақтап отыр.

Естеріңізге сала кетсек, 31 желтоқсан күні басталған «Africa Eco Race-2014» ралли-рейді 11 кезеңнен тұрады. Жарысқа қатысушы экипаждар жалпы ұзақтығы 2992 шақырымды құрайтын жол арқылы  Африканың Марокко, Мавритания және Сенегал елдерін басып өтеді.

 Дайындаған: Өмірбек Сансызбай

Сурет: vesti.kz